Kaixo!

Ongi etorri Gauekoaken webgune berrira. Webgunea goitik behera berregin dugu; izan ere, ez dugu astebururo-astebururo Gasteizko hainbat tokitan egin beharreko jarduerak biltzen dituen buletin hutsa izatea nahi; harago joan nahi dugu. Programatuko ditugun jarduerei eta lantegiei buruzko informazioa jasotzeaz gain, hainbat modutan parte hartu ahal izango duzu webgune honetan.

gauekoak.com berria denon artean egin nahi dugu. Webgune honetan izena emanez gero (doan eta inolako konpromisorik gabe!), zure iritzi eta kezken berri eman ahal izango duzu blog honetako edozein sarreratan, eta gu sarrera horiek eguneratuz joango gara; Zure Gauekoak ataleko egutegi komunean, aukera izango duzu kontzertuen, ekitaldien, estrainaldien edo jende guztiarekin partekatu nahi duzun beste edozein jardueraren data nabarmentzeko; bideoak eta argazkiak bistaratu ahal izango dituzu Media atalean, eta askoz ere gauza gehiago.

Gainera, Sarea atala inauguratu dugu eta, hor, Gauekoak Elkarteen Federazioa osatzen duten elkarte eta taldeak aurkeztuko ditugu. Talderen edo elkarteren bateko kidea bazara eta gure programan leku bat izan nahi baduzu, anima zaitez! Federazioan, edozein unetan sar zaitezkete eta oso erraza da gurekin harremanetan jartzea.

Bukatzeko, programazioa kontsultatu ahal izango duzu Jarduerak atalean.

Orain, sartu eta ikusi gure webgune berria.