Amanda Plataforma

Amandaren asmoa proiektuen proiektu bat izatea da, Gasteizko kulturen arteko bizikidetzari buruzko ideien, ikuspegien eta esperientzien batura. Elkartean, hiriko alde zaharreko hainbat arlotako lan-proiektuetan aritzen diren pertsonak bildu gara; proiektu horiek guztiek inguru honetara babesik gabeko eta berdintasunik gabeko egoeran iritsi diren pertsonak integratzearekin dute lotura.

Gure taldeak hiru oinarrizko premisa (utopiko samarrak) adostu ditu. Batetik, uste dugu aniztasuna gizartea eraldatzeko aukera bat dela eta lagun dezakeela desberdintasuna errespetatuko duen gizarte bat eta eskubide-berdintasuna egiatan aplikatzen duen gizartea bat sortzen. Beste alde  batetik, gure ustez, toki eta garai berean bizi diren talde kulturalak aintzat hartuta eta integratuta lor daiteke kultura eta herritartasun berri bat eratzea, denentzat onuragarrien diren elementu partekatuetatik abiatuta. Azkenik, gure aburuz, mundu- eta auzo-herritartasun berri horrek ekarriko du pertsonak eta taldeak denok partekatzen ditugun egoeretan, arazoetan, zailtasunetan, abantailetan, posibilitateetan eta aukeretan inplikatzea.